Lajeng dina peuting nu didamaran ku samar bulan
Urang longok Raja urang
Nu dihurup ku musuh genepan !
Perang na rosa jasa
Eta genep papatih
Ku Raja urang laju ditubruk
Laju di awut-awut
Di luluh di gulung-gulung
Di rampid jadi ngahiji
Mani pating polonjon tina jubah inyana
Ting arenyut
Jiga tetep lesot tina wadahna !
Ting arenyut sabuligir
Jiga eungkuk pilegaeun
Balad Banten
Waktu neuleu kabeh papatihna
Deuk di podaran ku Raja Sunda
Heunteu taregaeun
Laju
Reog wae ngaleut
Cara sireum sirarange
Ngagurumut Raja urang !
Atug mani haliwu Raja urang !
Nya harita opat patih Banten bisa budi
Nya eta bengkong nu duaan
Arinyana mah heunteu kaburu !
Sabab kaburu modar mantare !
Lain paraeh ku Raja urang
Tapi
Modarna
Ditareunggelan urang Banten !
Sabab ku haliwu-haliwuna ngagurumut
Urang banten the
Teuteunggeulna
Sateunggeul-tenggeulna bae !
Datang ka loba balad Banten
Kararojor
Cigenden ku baturna keneh !
Urang caturkeun patih Banten anu opat
Arinyana bisa budi
Laju ngorejat bari ngarewel jubah !
Tapi
Lantaran ngorejatna bari haliwu
Nya atuh ngarawel teh
Sarewel-rewelna bae
Heunteu arengeuh pahili jubah !
Ku haliwu-haliwuna
Kai Cakra hanteu engeuh pahili jubah
Kai Jaya hanteu engeuh pahili jubah
Kai Asep hanteu engeuh pahili jubah
Kai Tubagus hanteu engeuh pahili jubah
Malah Kai Tubagus mah
Jaba tipahili teh
Inyana hanteu eungeuh
Make jubah the tibalik
Nu pieun cokor
Dipake di ruhur
Ari cokorna
Diasupkeun dina beuheung jubah !
Atuh leumpangna
Mani ciga nini-nini hudang ngajuru !
Ninggang di Kai Cakra anu begang
Nu karawel teh jubah godombrong
Pakeun baturna nu jangkung gede
Atuh barang dipake the
Ka luhur leuwih sasiku
Ka handap leuwih sadeupa !
Ceuk pikir inyana :
Bener sakti si Raja Sunda !
Ieu jubah mani kieu
Ka ruhur teu kadeuleu langit
Ka handap teu kadeuleu napak !
Nya gudubrak bae inyana labuh
Tikudewat
Nincak jubah panjang teuin !
Ceuk pikir inyana :
Panjang teuin !
Ngaing beubeurkeun !
Laju jubah panjang teh
Dibeubeurkeun
Digulungkeun luhureun cangkeng
Atuh tembong buraholna !
Der perang deui !
Perang rosa
Perang rosa jasa
Terus perang leuwih ti rosa jasa !
Raja urang
Najan gagah najan sakti
Tapi
Ari diruhun digurumut mah
Nya haliwu ogeh !
Nya kapaksa inyana mundur
Kadeseh ka beulah kaler
Datang ka palebahan birit leuwi !
Tah di dinya
Inyana katubruk ku nu ngahurup
Tapi Raja urang
Laju motah rosa jasa !
Nya lajuna mah
Gujubaaarrr !
Raja urang ragag ka leuwi
Gujubar
Kai Asep kabawa ragag
Inyana ngarawel jubah Kai Jaya
Kai Jaya ngarawel jubah Kai Cakra
Kai Cakra ngarawel jubah Kai Tubagus
Tapi
Lantaran jubah Kai Tubagus mah
Dibeubeurkeun
Nya nu ngarawel the
Buraholna !
Nya gujubaaarrr !
Jawara Banten jeung Cirebon nu opat
Kabedol kabawa ragag
Laju perang di dasar leuwi
Balad Banten eureun perangna !
Balad Pajajaran areureun perangna !
Lalajo nu keur perang di dasar leuwi !
Nya jadina mah
Euweuh nu perang di daratan
Kabeh jarajang teges
Nareuleu nu galungan di dasar leuwi !
Kabeh pasedek-sedek !
Datang
Euweuh nu areungeuh
Balad Pajajaran
Nyarelap di balad Banten
Balad Banten
Nyarelap di balad Pajajaran
Eungeuh-eungeuh soteh
Aya nu hitut !
Ceuk balad Pajajaran :
Hitut Banten yeuh !
Sejen deui peledakna !
Ari inyana ngalieuk teh
Baruk geuning lain batur sakamandoran
Tapi musuh
Urang Banten !
Nya der perang deui !
Perang di daratan
Perang di dasar leuwi
Ting gulutuk sora batu
Ting sareak sora koral
Ting kiricik sora keusik !
Burial !
Burial !
Cai kiruh ti dasar leuwi
Umpalna neunggaran gawir !
Ngagulugur gawir nu urug
Ngaguruh tangkal nu rubuh
Tangkal jati garaged
Sisi leuwi sabrang wetan
Rungkad ambles kabawa palid !
Ari palidna ?
Nyarangsang di birit leuwi
Tah di dinya
Engkena teh bakal ngadeg hiji lembur
Nu ngaranna di kiwari
Bantarjati
Urang tunda deui
Sina jadi lembur bantar jati !
Urang kocapkeun Ki Santang deui !
Kadeuleu ti awang-awang
Palebah leuwi sipatahunan
Loba jasa jelema keur saling genden !
Ceuk pikir Ki Santang :
Boa-boa
Jeung kadeuleuna
Jiga lain somah ngaing kabeh !
Gajleng !
Ki Santang luncat tina mega
Megana mani semplak sabeulah !
Sesemplakan mega nu beulah
Murag !
Ragagna malang
Nyampai dina lamping
Sakaleren gunung gede
Engkena
Dihandapeun ngadeug hiji lembur
Nu kiwari disebutna
Mega mendung !
Lajukeun urang Ki Santang !
Jrut inyana turun
Jlig inyana nepi
Jung inyana nantung
Kadeuleu aya numpukan
Ngagunuk cara picung buruk !
Ceuk Ki Santang bari tulak cangkeng :
Nahaeun yeuh ?
Ceuk nu nagunuk :
Nu areleh perang !
Ceuk Ki Santang :
Urang mana ?
Ceuk nu ngagunuk :
Pajajaran !
Ceuk Ki Santang :
Eleh ku saha ?
Ceuk nu ngagunuk :
Ku urang Banten !
Ceuk Ki Santang :
Kunaha make areleh ?
Ceuk nu ngagunuk :
Licik sih !
Kaci ngegel ceuli
Nyolok mata jeung nyingkabkeun samping !
Ceuk Ki Santang :
Lain licik !
Eta tah aturan perang anyar !
Tapi kumaha sabab perang ?
Ceuk nu ngagunuk :
Ngabelaan Raja !
Ceuk Ki Santang :
Di mana Raja ?
Ceuk Nu ngagunuk :
Tuh di dasar leuwi !
Keur dihurup ku opat urang !
Ki Santang teu loba deui catur
Laju inyana tuturubun
Ngajubar !
Lep !
Inyana teuleum !
Tapi sabab caina kiruh
Teu kadeuleu
Mana Bapa mana musuh !
Ceuk Ki Santang :
E eh !
Mun neunggeul bari teu neuleu
Bisa salah anu keuna !
Leuwih hade
Ieu leuwi hade ngaing bedahkeun !
Nya der dibedahkeun
Ka hilir ciliwung guntur !
Ka girang ciliwung surut !
Kocapkeun anu garelut !
Heunteu areungeuh
Sipatahunan mingkin saat !
Barang beak cai kiruhna
Ka deuleu ku Ki Santang
Raja eundeuk diporeatkeun !
Teu antaparah !
Saebrur Raja direbut
Lung di kadaratkeun !
Anu karebut musuhna
Karuhan bae ambek jasa !
Kadeuleu ku arinyana
Aya musuh anyar !
Laju pating surungkuy
Ting garebay
Ngarajol bari raranggeum
Eundeuk nyekek beuheung Ki Santang !
Ki Santang ngeunah seuri !
Laju leuwi di kubek deui
Kiruhna kiruh jasa
Datang kaeuweuh nu bisa kadeuleu !
Ki Santang mah
Inyana laju ngadapang
Malang dina pamontengan !
Inyana ditubruk ku opat patih Banten
Tapi Ki Santang
Nyejat bari ngagakgak !
Pamuntangan laju bedah
Nyot buburialan !
Atuh kaceot
Opat patih urang Banten !
Hulu inyana ngadalagor batu
Mani remuk ka batu-batuna
Awak inyana naleungar cadas
Mani raraungkad gawir-gawirna !
Nya mooooooooooodar !
Laju paralid
Laju engkena nyarangsang !
Anu saurang
Dilebaheun kiwari tanah jelebut
Anu saurang deui
Di bilangan kiwari tanah bojong gede
Saurang deui
Di bilangan kiwari tanah citayem
Saurang deui
Di bilangan kiwari tanah sawangan !
Tapi saha nu nyarangsangna ?
Saurang geh
Datang ka iraha ogeh
Moal aya nu nyaho !
Lantaran waktu paralidna
Marake jubah nu pahili
Pahili ka pangkat-pangkatna !
Ngan bae
Engkena kabejakeun
Ceunah mah jaradi karamat !
Tunda deui Keun sina jaradi karamat !
Lajeng
Ayeuna
Urang teang Si Lengser
Si Lengser karuhan sakabeh tukang pantun !
Barang balad Banten eureun perangna
Barabg balad Pajajaran nunda perangna
Embah anis jeung embah anom
Eudeuk areureun nunda perangna
Ngan Si Lengser anu hanteu !
Ceuk Si Lengser :
Eundeuk ka marana dia ?
Ceuk Embah Anis :
Deuk neuleu nu dipodaran di dasar leuwi !
Ceuk Embah Anom :
Deuk neuleu nu dibeset di dasar leuwi !
Ceuk Si Lengser :
Moal kadeuleu !
Caina geh kiruh !
Mending geh,
Urang lajukeun perang urang !
Kapalang
Tingal sajurud deui !
Tapi Embah Anis deuk nojok terus
Emabh Anom ogeh deuk nojok terus
Laju ku Si Lengser
Emanh Anis dijenggut jambrongna
Emabh Anom dijebak jabrikna !
Karuhan
Mani pating caweuweuw !
Tapina
Hanteu ngaralawan
Sabab harayang lalajo nu perang di dasar leuwi !
Torolong bae duaan lalumpatan
Lalumpat bari darongko
Lalumpat bari susulumputan !
Lantaran hayang jarongjon lalajona
Jeung ulah kapanggih ku Si Lengser
Nya lalajo teh
Dibirit leuwi sabrang kulon !
Caringgoooo bae !
Dina sisi gawir handapeun kopo
Tunda deui !
Keun sina caringogo !
Kocapkeun
Raja Sunda jeung Ki Santang !
Geus haranjat deui !
Laju ngabuburak balad Banten
Mani ting alacir paburisat
Jiga rorongo dikebutkeun !
Ceuk Raja ka Ki Santang :
Hadena Aden kaburu datang !
Ceuk Ki Santang :
Mun teu kaburu ?
Ceuk Raja :
Mantak teuin lalakon panjang
Tah
Ari geus paralid mah
Moal bisa calutak deui !
Tapi sing aringet !
Najan arinyana
Geus eleh dua kali
Rajana mah
Panasaran keneh !
Tangtu inyana the
Hayang keneh nyilakakeun urang
Nyilakakeunana
Moal ku jalan kasar
Tapi ngakalan
Ku jalan halus !
Bejaan kabeh sanak, kabeh kadang
Sing ti ayeuna keneh
Pipir imah saimahna
Beulah kenca nu di tukang
Di hareup beulah katuhu
Marelak
Tangkal sente
Pikeun tumbal keuna baraja !aju marelak deui
Tangkal cau emas
Pieun tamba keuna wisaya
Sabab kahareupna
Musuh teh ngalawana
Ku jalan guna wisaya
Ku teluh eujeung mudu
Ku warejit utah getih
Nyieun edan jadi sasar
Gering nangtung ngaganggayong !
Tapi teu mudu sieun !
Mun aya nu keuna kitu
Sambat bae bae ngaran bapa
Celuk bae ngaran dia
Laju mandian ku cai
Ti leuwi sipatahunan
Jeung inuman
Ku cai
Ti pancuran tujuh !
Ari jampena ?
Sina diajar bae ti Si Lengser !
Tunda deui !
Sina diajar jampe teluh ka Si Lengser
Kocapkeun deui Si Lengser di tegalan !
Inyana dagdag-digdig sorang bae
Tulang cangkeng bari tetenjrag
Hahaok bari popolotot
Ngareuhak bari kekerot
Nantang musuh nu tingaleun kalang !
Kadeuleu ku inyana
Gawir urug, leuwi bedah
Balad musuh loba nu paling !
Ngeunah jasa angen Si Lengser
Gadag-gidig inyana ka tengah tegalan
Leungeun anu kenca
Tulak cangkeng nyerengkebeng
Nu katuhu
Dikeupatkeun ngagandejang
Cara deumang eundeuk nganjang
Endeuk mogor ka anak mandor !
Ret inyana ka kaler
Leuweung jati urug saparo
Mani ngemplong deudeuleuan
Kadeuleu aya deui ngaraleut
Nu areureun di birit leuwi
Birit leuwi sabrang kulon !
Nu ngaraleut teh
Laju ngaromong jeung sesana balad Banten !
Tah lebah dinya
Engkena tah nadeug hiji lembur
Nu kiwari disebutna
Pabaton !
Sabab urut ngumpul jeung badami !
Si Lengser laju nabeuh bende !
Atuh
Barang bende ditabeuh deui teh
Mani beeeeejat burarakan !
Ari ceuli bende ?
Mani ngacleng
Ragragna di leubahan nu kiwari jadi lembur
Nu ngarana
Ceuli beunde !
Kadenge ku Raja urang
Laju dihaokan
Ceuk Raja :
Nahaeun Lengser ?
Ceuk Si Lengser :
Musuh datang deui !
Ceuk Raja :
Sabaraha ?
Ceuk Si Lengser :
Nyaho teuin !
Teu kabilang
Ngan ayeuna mah marake jendol !
Der perang !
Perang deui !
Perang
Perang
Perang batur, perang !
Leuwih rosa ti perang nu ti heula !
Perang jeung musuh nu anyar datang
Perang jeung nu marake jendol
Perang deui jeung sesana balad Banten !
Perang, perang !
Urang Pajajaran
Dihurup hiji musuh salikur
Sabab urang Banten
Dibantu ku balad ti wetan !
Lantaran balad musuh nu ti wetan
Tambah deui tambah deui
Nya kawalahan ogeh Raja urang
Nya kawalahan ogeh Ki Santang
Nya kawalahan ogeh Si Lengser !
Burubul musuh ti kidul
Surudug
Si Lengser ka kidul !
Burubul musuh ti kulon
Surudug
Si Lengser nangkis di kaler !
Burubul musuh ti wetan
Surudug
Si Lengser ngamuk di wetan !
Urang Pajajaran perangna rosa jasa !
Sakabeh ngilu perang
Aki-aki ngilu perang
Nini-nini ngilu perang
Karuhan nu ngarora mah
Nu lelengeh ngilu perang
Nu barujang
Ngalawanana galak jasa
Sabab ku beubeureuh
Mun ku musuh
Nu sapotong dikeureut sapotong
kimpoi the
Endeuk moal dijadikeun !
Perang nu cawene ?
Leuwih giras ti cangehgar
Sabab arinyana heunteu sudi
Mudu leungit anu nyempil
Dicarokel make obeng !
Perang, batur, perang !
Mangkin lila beuki rosa
Mangkin tambah balad musuh
Beuki kawalahan Pajajaran ........... !
Ceuk Raja ka Si Lengser :
Mun kieu terus-terusan
Matak boa mudu mundur !
Ceuk Si Lengser :
Encan wayah !
Leuwih hade
Urang ganti aturan perangna !
Urang make aturan anyar
Nya eta
Akeul dulang kaju samida !
Hartina
Kaju seungit pieun ngukus !
Tegesna
Amin jaya aya di urang
Tangtu musuh bakal musna
Tapi
Amun apes papasten urang
Paeh geh moal jaradi jurig
Sabab sukma urang
Diparenahkeun di kahiyangan !
Lantaran paehna urang
Gara-gara
Satuhu ka Sang Rumuhun
Bela-pati ka Nagara !
Ceuk Raja :
Kumaha ngaturna ?
Ceuk Si Lengser :
Geura tuturkeun !
Laju Si Lengser ka tengah tegalan
Burudul musuh ti kidul
Suruntul Si Lengser ka kaler !
Burudul musuh ti kulon
Suruntul Si Lengser ka kidul !
Burudul musuh ti kaler
Suruntul Si Lengser ka wetan !
Cindeukna mah
Perang cara Si Lengser teh
Datang ka lebur jagat tetempuran ogeh
Moal deuk aya nu bisa nuri !
Sadupak-dupakna matak cilaka
Satubruk-tubrukna matak ripuh
Satejeh-tejehna matak bengek
Satincak-tincakna matak bohak
Sarawel-rawelna mataj soek
Nya karuhan
Musuh mani paburisat !
Kumaha amun
Burubul musuh ti wetan ?
Suruntul Si Lengser ka tengah tegalan !
Amun musuh anggeus parek
Si Lengser laju nonggeng
Bari nonggeng nyingsatkeun samping !
Ku maha ari musuh ?
Arinyana laju bae kasima !
Sabab pikir arinyana
Eta kanjut inyana geus sagede kiiiitu ... !
Tada teuin meureun gaganden inyana mah ... !
Nya laju sakabeh anu nareuleu Si Lengser nonggeng
Pada kalenger !
Cindekna perang cara Si Lengser mah
Datang ka iraha ogeh
Moal endeuk aya nu niru !
Teu kabilang anu modar
Teu kabilang anu rarusak .... !
Nu teu katibuk teu kadupak
Teu katejeh teu kasiku
Ripuhna mah sarua baeeeee ... !
Malahan arinyana mah
Paraeh teh leuwih cilaka !
Nya eta
Molotot bari sambutut
Bari leungeun marencet irung !
Sabab Si Lengser
Perang teh inyana mah mamawa sigung ... !
Tunda heula ! Keun Si Lengser sina nurutan sigung !
Kapalang urang lajeng batur !
Urang mah, urang tempo Raja urang !
Nu keur perang dibantu ku Ki Santang !
Perang nyana rosa jasa !
Datang ka tegalan sakitu legana
Jadi heurin ku nu keur perang ....... !
Ting dorongkok tampal nu reuntas
Ting bareok dapuran awi ... !
Tegal lega
Ngalegaan ... !
Beuki lega beuki lega ....... !
Engkena di tegalan tadi perang, ngadeug lembur
Nu kiwari disebut Tegal lega !
Ceuk tadi ogeh
Urang Pajajaran kawalahan !
Sabab najan gagah najan sakti !
Ari musuh
Tambah deui tambah deui mah
Lila-lia nya kawalahan jasa !
Raja urang kasedekeun ka beh kidul
Ki Santang kasedeken ka beh kidul
Ari Si Lengser ?
Inyana mah terus bae saradag sarudug susurudug ..... !
Barang nyurudug deui the
Kalangsu teuin .... !
Engeuh-eungeuh
Inyana tikacubar di Cai Sadani
Pucunghul inyana timbul
Alagag-euleugeg bari kabesekan
Laju
Gurawil keuna gawir
Jiga peusing unggah ka pasir !
Hanteu kanyahoan ... Kadewek !
Cokor Si Lengser sadua-dua
Ti lebak aya nu newak !
Heu !
Si Lengser aya nu ngabeubeutkeun !
Mani nambru jiga mandilaka dalu !
Ceuk nu ngabeubeutkeun sabari nyareungir :
Heheh !
Kapiheulaan nyah !
Ceuk Si Lengser :
Heueueueu ... Euh !
Laju inyana endeuk ngalawan
Ngalawan bari muranteng
Bari muranteng keuna cangkuwang !
Tapi ti lebak
Cokor Si Lengser duanana
Dibaredol sataker tanaga !
Laju Si Lengser tetejeh ,
Satejeh kadia tejeh !
Katilu tekeh mah
Gubrag bae Si Lengser ngajolopong !
Laju disesered
Digusur ka lebak deui !
Reg randeg
Sabab Si Lengser muntang keuna cangkuwang deui !
Cangkuwang geh cangkuwang baheula lain cangkuwang jaman kiwari !
Laju pabedol-bedol .... !
Musuh ngabedol Si Lengser !
Si Lengser ngabedol cangkengna !
Bedol
Bedol !
Bedol pabedol-bedol !
Ari nu ripuhna mah
Nya Si Lengser baeeee !
Pikir inyana :
Saha manusaaaaa nu ngabedol ?
Ari ret the
Kadeuleu ku inyana dua urang ting carengir !
Ceuk Si Lengser :
Geuning si ganggarangan !
Si Anom jeung si Anis !
Ceuk Embah Anom jeung Embah Anis :
Heheh ! Beunang siah ayeuna mah !
Si Lengser motah deui !
Inyana motah jasa
Tetejeh sabari muranteng
Bari muranteng sabari nyerengid !
Ceuk Embah Anom :
Bedul nis !
Urang sundatan !
Ceuk Embah Anis :
Bedul nom !
Urang sundatan !
Ceuk Si Lengser :
Moal teurak !
Geus liat teuin !
Laju pa bedol-bedol deui .... !
Bedas nu ngabedol
Pageuh nu dibedol ...
Tapi lajuna mah
Cangkuwang laju rungkad pegat akarna !
Harita ti patuha
Di tonggoheun Balekambang
Ku balad urang nu keur jaga
Kadeuleu Si Lengser keur rorowesan !
Laju di tarulungan !
Durudud Si Lengser digarusur ditarulungan !
Dereded ! Si Lengser disesered
Disered musuh ka lebak deui
Disesered ka sisi cai !
Durudud ! Si Lengser ku batur-batur
Digusur ka tonggoh deui
Dibawa unggah ka lebah Patuha !
Tapi
Dereded Si Lengser ku musuh-musuh
Disesered ka lebak deui !
Durudud deui ! Dereded deui !
Ka tonggoh deui ka lebak deui
Datang ka gawir lebah dinya
Beuki legok beuki lega ... !
Ceuk Si Lengser :
Terus batur terus !
Itung-itung ngangaraji jagat !
Terus !
Abeh kurap dina taktak
Abeh hapur dina bujur
Kabeh beak ka akar-akarna !
Ceuk balad urang di patuha :
Rambati .... rata haaayu !
Laju
Durudud Si Lengser digusur ka ruhur !
Ceuk embah Anom jeung embah Anis :
Upih jambe murag ngabete !
Bereleeeeee !
Dereded Si Lengser ku Embah Anom jeung Embah Anis
Deserered deui ditatarik deui ka sisi cai !
Barang anggeus ku batur-batur
Didurudud ka luhur deui
Kumusuh deuk disered ka leubak deui
Ceuk Si Lengser ka urang Patuha :
Esotkeun batur leupaskeun !
Atuh barang dereded teh
Embah Anom jeung Embah Anis
Nararik the
Badis meset jeujeur pegat useupna !
Mani tinggulitik jujuralitan
Ting garolong ka lebakeun
Paheula-heula jeung Si Lengser !
Lantara Si Lengser mah
Awak inyana lintuh cara kebo buleud keur reuneuh
Atuh Si Lengser mah
Ngagorolong teh
Cara berenuk murag di lamping !
Karuhan
Inyana datang pangheulana ka sisi cai !
Kapalang urang lajeng batur !
Urang mah, urang tempo Raja urang !
Nu keur perang dibantu ku Ki Santang !
Perang nyana rosa jasa !
Datang ka tegalan sakitu legana
Jadi heurin ku nu keur perang ....... !
Ting dorongkok tampal nu reuntas
Ting bareok dapuran awi ... !
Tegal lega
Ngalegaan ... !
Beuki lega beuki lega ....... !
Engkena di tegalan tadi perang, ngadeug lembur
Nu kiwari disebut Tegal lega !
Ceuk tadi ogeh
Urang Pajajaran kawalahan !
Sabab najan gagah najan sakti !
Ari musuh
Tambah deui tambah deui mah
Lila-lia nya kawalahan jasa !
Raja urang kasedekeun ka beh kidul
Ki Santang kasedeken ka beh kidul
Ari Si Lengser ?
Inyana mah terus bae saradag sarudug susurudug ..... !
Barang nyurudug deui the
Kalangsu teuin .... !
Engeuh-eungeuh
Inyana tikacubar di Cai Sadani
Pucunghul inyana timbul
Alagag-euleugeg bari kabesekan
Laju
Gurawil keuna gawir
Jiga peusing unggah ka pasir !
Hanteu kanyahoan ... Kadewek !
Cokor Si Lengser sadua-dua
Ti lebak aya nu newak !
Heu !
Si Lengser aya nu ngabeubeutkeun !
Mani nambru jiga mandilaka dalu !
Ceuk nu ngabeubeutkeun sabari nyareungir :
Heheh !
Kapiheulaan nyah !
Ceuk Si Lengser :
Heueueueu ... Euh !
Laju inyana endeuk ngalawan
Ngalawan bari muranteng
Bari muranteng keuna cangkuwang !
Tapi ti lebak
Cokor Si Lengser duanana
Dibaredol sataker tanaga !
Laju Si Lengser tetejeh ,
Satejeh kadia tejeh !
Katilu tekeh mah
Gubrag bae Si Lengser ngajolopong !
Laju disesered
Digusur ka lebak deui !
Reg randeg
Sabab Si Lengser muntang keuna cangkuwang deui !
Cangkuwang geh cangkuwang baheula lain cangkuwang jaman kiwari !
Laju pabedol-bedol .... !
Musuh ngabedol Si Lengser !
Si Lengser ngabedol cangkengna !
Bedol
Bedol !
Bedol pabedol-bedol !
Ari nu ripuhna mah
Nya Si Lengser baeeee !
Pikir inyana :
Saha manusaaaaa nu ngabedol ?
Ari ret the
Kadeuleu ku inyana dua urang ting carengir !
Ceuk Si Lengser :
Geuning si ganggarangan !
Si Anom jeung si Anis !
Ceuk Embah Anom jeung Embah Anis :
Heheh ! Beunang siah ayeuna mah !
Si Lengser motah deui !
Inyana motah jasa
Tetejeh sabari muranteng
Bari muranteng sabari nyerengid !
Ceuk Embah Anom :
Bedul nis !
Urang sundatan !
Ceuk Embah Anis :
Bedul nom !
Urang sundatan !
Ceuk Si Lengser :
Moal teurak !
Geus liat teuin !
Laju pa bedol-bedol deui .... !
Bedas nu ngabedol
Pageuh nu dibedol ...
Tapi lajuna mah
Cangkuwang laju rungkad pegat akarna !
Harita ti patuha
Di tonggoheun Balekambang
Ku balad urang nu keur jaga
Kadeuleu Si Lengser keur rorowesan !
Laju di tarulungan !
Durudud Si Lengser digarusur ditarulungan !
Dereded ! Si Lengser disesered
Disered musuh ka lebak deui
Disesered ka sisi cai !
Durudud ! Si Lengser ku batur-batur
Digusur ka tonggoh deui
Dibawa unggah ka lebah Patuha !
Tapi
Dereded Si Lengser ku musuh-musuh
Disesered ka lebak deui !
Durudud deui ! Dereded deui !
Ka tonggoh deui ka lebak deui
Datang ka gawir lebah dinya
Beuki legok beuki lega ... !
Ceuk Si Lengser :
Terus batur terus !
Itung-itung ngangaraji jagat !
Terus !
Abeh kurap dina taktak
Abeh hapur dina bujur
Kabeh beak ka akar-akarna !
Ceuk balad urang di patuha :
Rambati .... rata haaayu !
Laju
Durudud Si Lengser digusur ka ruhur !
Ceuk embah Anom jeung embah Anis :
Upih jambe murag ngabete !
Bereleeeeee !
Dereded Si Lengser ku Embah Anom jeung Embah Anis
Deserered deui ditatarik deui ka sisi cai !
Barang anggeus ku batur-batur
Didurudud ka luhur deui
Kumusuh deuk disered ka leubak deui
Ceuk Si Lengser ka urang Patuha :
Esotkeun batur leupaskeun !
Atuh barang dereded teh
Embah Anom jeung Embah Anis
Nararik the
Badis meset jeujeur pegat useupna !
Mani tinggulitik jujuralitan
Ting garolong ka lebakeun
Paheula-heula jeung Si Lengser !
Lantara Si Lengser mah
Awak inyana lintuh cara kebo buleud keur reuneuh
Atuh Si Lengser mah
Ngagorolong teh
Cara berenuk murag di lamping !
Karuhan Inyana datang pangheulana ka sisi cai !
Ceuk Si Lengser ka nu ragag pandeuri :
Warani ?
Ceuk Embah Anom jeung Embah Anis :
Ke heula !
Ulah wara di tanya !
Lalieur keneh
Jeung can eling bener !
Puguh ceuk ti heula ogeh, perang baheula mah
Hanteu cara perang di jaman kiwari !
Si Lengser teu tatanya deui !
Embah Anis jeung Embah Anom laju dirawu
Dialungkeun !
Ari Embah Anis ?
Inyana ragag di bilangan kiwari tanah serepong !
Ari Embah Anom ?
Ragag di bilangan kiwari tanah kuripan
Skalereun gunung bubut .... !
Bejana mah
Engke teh jaradi karamat !
Ngan digaranti ngaran
Lantaran areraeun eleh perang !
Jeung lantaran ngaran Anis jeung Anom mah
Cara ngaran Jaya jeung Tubagus
Eta mah ngaran arinyana di keur budak !
Apan ari geus jaradi pangkat mah
Ngaran arinyana sarejen deui .... !
Ari gawir urut Si Lengser diseret jeung digusur
Kiwari teh aya keneh !
Lebah dinya disarebut dereded .... !
Anggeus ngabalangkeun musuh nu dua
Si Lengser laju ngulon ngaler
Karep inyana deuk ngadeuleu beusi aya eukeur ripuh
Beusi aya balad keur kawalahan .... !
Di lebah urut Si Lengser lengak-longok tempa-tempo
Engkena ngadeug lembur anu kiwari ngarana lolongok !
Barang Si Lengser keur telag-telog
Cara bango ngadodoho bangkong
Inyana kadeuleu musuh !
Laju diaruber, dikarepung diarudag-udag !
Si Lengser nyumput !
Inyana teuleum dina rawa nu loba bolangan !
Engkena
Di urut Si Lengser nyumput
Ngadeug lembur nu dingarana rawa balong !
Ti enggon inyana nyumput
Kadeuleu ku Si Lengser
Musuh ngaleut keur naranjak
Ngabondong ka tonggoheun
Laju ngarumpul di leubahan anu rata
Engkena
Di lebahan dinya nadeug lembur
Nu kiwari disarebutna bondongan !
Sabab di lebah dinya pisan ngarumpulna musuh nu eundeuk ngarugrung bari naranggoan parentah mudu taram !
Anggeus mahi batur-batur arinyana
Musuh laju ngarugrug .... !
Urang Banten beuki galak leuwih bengis
Sabab tambah loba nu ngabantu arinyana !
Urang wetan leuwih loba
Tambah wani tambah galak
Sabab tambah loba batur arinyana !
Urang Pajajaran geh
Tambah ...... !
Ngan tambahna
Tambah beak !
Sabab hiji ngaganda salikur
Salikur ngalawan musuh aya ratusan ... !
Nya karuhan
Urang Pajajaran geus kalingung !
Musuh tingtarekel keuna kuta .... !
Der perang dijero eun kuta
Di belahan kiwari aya lembur jero kuta !
Kuta beak imah beak
Beak saung jeung kandang-kandangna
Beak dirakrak jeung dihuru
Diduruk musuh nu lain tanding dina lobana !
Ceuk urang Pajajaran :
Lengser, Bapa, Aki !
Kumaha ...... ?
Ceuk Si Lengser :
Mundur, batur mundur !
Urang mundur ngetan ngidul !
Laju urang Pajajaran mararundur
Nyabrang
Nyararabrang leuwi Ki Pata Hunan
Ka sabrangeun gintung nu tujuh !
Nya amprok jeung Raja urang
Di tegalan tungtung kidul
Tonggoheun cai leutik !
Ceuk Raja ka Si Lengser :
Ripuh mun kieu mah !
Boa-boa urang mudu taluk ?
Karunya ka somah !
Teu deuk narima batur ka siksa !
Ceuk Si Lengser :
Pajajaran mah Gusti
Cadu keuna taluk
Sabab buyut ti karuhun !
Lebahan Si Lengser nyebutkeun buyut
Engke the disarubutna cikabuyutan !
Ceuk Raja :
Dayeuh geus direbut musuh !
Ceuk Si Lengser :
Najan dayeuh geus karebut
Raja mah teu meunang taluk !
Pajajaran teh lega keneh !
Lega keneh enggon perang !
Terus Gusti terus !
Najan perang sabari mundur
Urang mundur the lain eleh
Urang Pajajaran laju mundur .... !
Lain mundur kasedek ku Urang Banten jeung Wetan !
Tapi mundur
Kantaran hanteu nanding dina loba !
Tah eta gara-garana datang ka engke
Urang Sunda
Ti harita datang ka kiwari
Kadeseh deui kadeseh deui
Ka sakur anu daratang
Ngaradon hirup di Tanah Sunda
Jeung daratangna
Nu ti Kulon jeung ti Wetan !
Da bongan urang Sunda keneh jeung Sunda keneh
Marantuan anu daratang
Sina nyampalan di urutna Pajajaran Tengah !
Sabab-sababna marantuwan jeung gararantep
Sina deungeun-deungeun nyarampalan ?
Lantaran pada sarieun
Urang Pajajaran Tengah jaraya deui !
Lantaran
Pada saririk ka urang Pajajaran Tengah
Anu dina wayah nu bakal datang
Barus ngaluluguan Bangsa Sunda !
Ngajajarkeun
Anu bener ti nu saralah .... !
Jeung lantaran anu saririkna
Sarieun kaboker sagala salah sagala teu bener !
Urang caturkeun deui lalakonna
Urang Pajajaran Tengah terus kadesek
Urang Pajajaran Bogor memang kadesek !
Lain kadesek ku sabab eleh
Tapi eleh dina papasten .... !
Jeung elehnn
Eleh soteh
Kadunyaan
Kapangkatan
Kakawasaan
Salila
Genep jaman katujuh jalan .... !
Tah salila eta
Urang Bogor Pajajaran
Baris dijarieun kekesed dina balumbang ..... !
Urang kocapkeun deui nu keur marundur !
Marundur sabari perang
Sabari perang mundur ka girang !
Nya anjong ka suku gunung
Ka legok anu nyangkewok .... !
Di dinya laju rareureuh
Bari naranggoan kejo asak diseupan !
Tapi henteu kaburu asak
Sabab musuh kaburu nyusul !
Plok !
Aseupan ditamplokeun
Kejona dibawa laju !
Blok !
Seengna dibahekeun
Caina ngocor ka kobak !
Tah di lebah dinya
Engkena nadeug lembur anu datang ka
kiwari disebutna ciseupan !
Datang ti kiwari cai dina eta kobakan
Caina teh haneut bae !
Jeung kitu sabab-sabab datang ka kiwari
Di lebah dinya sok loba cawene
Ari ngejo sok tara asak !
Lain teu asak teu bisa ngarerejo !
Tepi teu arasakna
Lantaran ngarejo teh
Sok ditaringgalkeun ocon jeung beubeureuh !
Urang susul nu keur marundur !
Marundur marundur terus ......... !
Nya anjlong ka hiji jurang
Nu gawir-gawirna jero jasa
Jero leuweung kawung wungkul ..... !
Laju nyarieun cukang
Tina wakung nu karolot jasa
Tina bengkel parajang tangkal
Jeung nyarieun cukang
Tina tatangkalan anu galeuhan ...... !
Engkena di lebah dinya ngadeug anu datang ka kiwari
Disebutna cukang galeuh !
Laju ngararukan ..... !
Nyararukang gagancangan
Ambeh teu kasusul musuh
Laju nyararusup ka hiji leuweung
Sisi cai lebah nu singkur
Seja arinyana eudeuk reureuh
Eudeuk nyareluk para karuhun
Bari nyararambat ka para Dewa
Sing hate keu-eung dipangnegerkeun
Sing diwanikeun hate nu sieun
Jeung ditangtayunan jero galungan .... !
Abeh
Amun paeh di pangperangan
Jaga bisa ngilu deui
Hutang uyah maray uyah
Hutang jiwa maray jiwa ....... !
Sabab dina marundur
Lain urang Bogor Pajajaran kadesek perang
Tapi perang teh
Apanan sabab manadeh
Hanteu purun dipaksa deungeun
Hanteu sudi ganti sembaheun
Hanteu sudi tukeur pangdeuleu
Hanteu sudi ganti karuhun
Jeung hanteu sudi nurutan adat
Bawa deungeun ti tanah sabrang !
Jeung lain manandeh ka gantina jaman
Tapi manandeh
Ka jaman mudu nurut bae jadi badega !
Cai leutik lebahan manandehna urang Bogor Pajajaran
Engkena disarebutna cimanandeh di dinya engkena
Nadeug lembur anu sangaran !
Laju robah jadi cimanande
Kiwari jadi cimande !
Lain tina mande mapandean
Tapi tina mande nu manandeh ... !
Tunda nu manandeh ! Sina naranggoan datang wayah maray hutang !
Wilujeung wengi batur !
Bisi aya nu kaperluan keur di mana, kaula deuk ngawaris "Rajah Pamunah"
Pieun merenahkeun kabeh dedemit alias jurig !
Ajang nu daek baeeee nu mbung mah kajeun.
"RAJAH PAMUNAH'
"Kunyit bodas hanet jahe
Panglay ngaran panglajuan
Ngalajukeun jeung munahkeun
Sagala gawe ti beda pikir !
Pikir kula di manusa
Pikir dia di dedemit
Teu ku sia deuk kapikir
Teu ku sia dipikir heula
Kadupak da bongan sia
Katajong da bongan sia
Kadiukan da bongan sia
Kababuk da bongan sia
Katenggor da bongan sia
Kaciduhan da bongan sia
Kakiihan da bongan sia
Apan sia mah teu kadeuleu ku mata manusa !
Tapi sia anu neuleu
Kunaha heunteu ised
Kunaha teu ngabejaan
Ulah sia eudeuk licik
Ulah sia deuk anjukan
Hayuh esotkeun !
Nyingkah
Beusi dibura di mata sia
Kuciduh reuhak Pajajaran !
Reuhakeun ciduhkeun !!! Musnah sia !
Cag heula sakeukeudeung
Tidak ada komentar:
Posting Komentar