Lalakon .. Hirup..

Lalakon

Mangsa budak resep ulin

ngarucu bulan

Mangsa rumaja resep wanoja

ngumbar asmara

Nincak sawawa narik jangkar

ngambah sagara

Geus kolot mah kari tapakur

isuk sore ngitung umur!

Hirup

Hirup teh cita-cita

Ngudag-ngudag mangsa jeung rasa

Hirup teh tunggara

upama tresna kalid sulaya

Hirup teh sueneu

Nu ngaduruk lulurung sukma

Hirup teh ibadah

rela ikhlas ngumawula

Hirup teh aci-acining: Bagja!